http://comiso2.altervista.org

O Maria
fonti d'amuri

COLLEGAMENTI

- RELIGIOSITÀ POPOLARE

- LETTERE E MESSAGGI

- VECCHIE IMMAGINI

O Maria fonti d'amuri

Nel libro CASMENE DEVOTA (pubblicato nel 1881) a pag. 13 si legge: "Nel Venerdì di Passione (la Chiesa parrocchiale di S. Maria delle Stelle) solennizza la festa di nostra Signora Addolorata, celebrandone con gran pompa il settenario musicato dal Maestro Messineo. Stabilita giusta il Reale Rescritto del 18 marzo 1846".
Il Maestro Messineo, palermitano, nel 1862 era stato chiamato a Comiso dal sindaco Emanuele Calogero per fondare e dirigere la Banda Musicale, che inizialmente era composta da 32 elementi.

Dal 1910 la festa di Maria SS. Addolorata si svolge la terza domenica di maggio ed è preceduta da un Settenario di preparazione, duranta il quale viene ancora cantato e recitato il Settenario musicato dal maestro Messineo. Si precisa che il maestro Messineo aveva musicato solamente le sette strofe del Settenario, nelle quali vengono descritte le "spade" che hanno trafitto il cuore della Madre del Signore.

In questa pagina si riporta il testo del Settenario tratto dal libro CASMENE DEVOTA.

In sottofondo si può ascoltare la musica del canto
O MARIA FONTI D'AMURI (composta nel 2012) il cui testo si legge alla fine del Settenario.

Settenario di
Maria SS. Addolorata

I

Oh! chi pena a lu to' cori
Foru, o Virgini Maria,
Di lu Vecchiu ddi paroli,
Quannu in braccia Gesù avìa:
"Ssu to' Figgiu tantu beddu
Ti sarà com' un cuteddu".
Chista fu la prima spata,
O gran Matri Addulurata.

Pater, Ave, Gloria

Ssa to' spata e ssu duluri,
Chi pruvasti accussi forti,
Dallu a mia nell'ultimi uri
D'agonia nella mia morti.

II

Quali pena t'ebbi a dari
Quannu Erodi ittàu li banni,
Chi s'avissiru ammazzari
Li bambini 'nfra dui anni;
Bisugnasti iri n' Egittu
Cu to' Figgiu binidittu.
Chista fu l'autra spata,
O gran Matri Addulurata.

Pater, Ave, Gloria

Ssa to' spata e ssu duluri,
Chi pruvasti accussi forti,
Dallu a mia nell'ultimi uri
D'agonia nella mia morti.

III

Matri afflitta, comu torni
Si pirdisti lu to' amuri?!
L'hai circatu pri tri giorni
Ccu gran pena e ccu duluri;
Lu truvasti ne' lu tempiu,
Unni dava un gran esempiu.
Chista fu la terza spata,
O gran Matri Addulurata.

Pater, Ave, Gloria

Ssa to' spata e ssu duluri,
Chi pruvasti accussi forti,
Dallu a mia nell'ultimi uri
D'agonia nella mia morti.

IV

Quali affannu nun pruvasti,
O gran Virgini Maria,
Quannu a Cristu tu 'ncuntrasti,
Chi la cruci 'n coddu avia?!
Ci vulivi dari aiutu,
Ma ti vinni proibutu.
Chista fu la quarta spata,
O gran Matri Addulurata.

Pater, Ave, Gloria

Ssa to' spata e ssu duluri,
Chi pruvasti accussi forti,
Dallu a mia nell'ultimi uri
D'agonia nella mia morti.

V

Comu avisti a suppurtari,
Quannu alzasti lu to' giggiu,
E vidisti agonizzari
Supra un lignu lu to' Figgiu:
Tuttu afflittu e laciratu,
Dannu sangu d'ogni latu.
Chista fu la quinta spata,
O gran Matri Addulurata.

Pater, Ave, Gloria

Ssa to' spata e ssu duluri,
Chi pruvasti accussi forti,
Dallu a mia nell'ultimi uri
D'agonia nella mia morti.

VI

Morì un Diu Verbu 'ncarnatu
Pri salvari i peccaturi:
Già si ci apri lu custatu
Pri l'eccessu di l'amuri.
Matri, avisti tu a vidiri
Gesù mortu anchi patìri.
Chista fu la sesta spata,
O gran Matri Addulurata.

Pater, Ave, Gloria

Ssa to' spata e ssu duluri,
Chi pruvasti accussi forti,
Dallu a mia nell'ultimi uri
D'agonia nella mia morti.

VII

Ma Gesù nun ha figura
Ed in senu ti è purtatu:
Cui ci duna sepultura
Se un latru è riputatu?!
Bisugnasti anchi patiri
Pri pui farlu sippilliri.
Chista fu l'ultima spata,
O gran Matri Addulurata.

Pater, Ave, Gloria

Ssa to' spata e ssu duluri,
Chi pruvasti accussi forti,
Dallu a mia nell'ultimi uri
D'agonia nella mia morti.

ELENCO DEI CANTI